Qorxmaz Əlili: “Qızlarıma cehiz almaq üçün məcburiyyətdən bağımı satdım” - VİDEO

"Bağım var idi... Qızlarımı köçürəndə onlar üçün cehiz almaq lazım idi. Məcburiyyətdən o bağı satdım. Dörd nəfərik, indi iki otaqlı evdə yaşayırıq”. 

Bizim.Media xəbər verir ki, bu sözləri Əməkdar artist Qorxmaz Əlili qonaq olduğu “Elgizlə izlə” ictimai-sosial verilişində deyib. 

Sənətçi bildirib ki, bir sıra teatrlarda maddi vəziyyəti aşağı olan gənc aktyorların evə ehtiyacı var: 

“Jurnalistlərə evlər tikildi. Mən paxıl deyiləm. Heç olmasa biz incəsənət adamları üçün də evlər tikərdilər də... Bir çox teatrlarımızda gənc, istedadlı lakin maddi vəziyyəti aşağı olan aktyorlar var. O evləri tikərdilər həmin gənclər də orada yaşayırdılar. O aktyorların evlərə çox ehtiyacı var. Musiqiçilərimiz var ki, onlar çox böyük istedada malikdirlər. Amma məcburiyyətdən onlar biznes sahəsinə yönəliblər, sənət qalıb bir kənarda”. 
 

Rəşad Əliyev, Bizim.Media