Avropa qoşunları döyüş əməliyyatlarında iştirak etmək üçün Ukraynada yerləşdirilə bilər.
Oxu24.com xəbər verir ki,müvafiq açıqlamanı ABŞ Hərbi Hava Qüvvələrinin polkovnik-leytenantı Cahara Matisek Xarici İşlər üçün məqaləsində verib.
O, Avropa liderlərini yerli qüvvələrə maddi-texniki dəstək və təlim vermək, habelə Ukraynanın sərhədlərini, şəhərlərini və mühüm infrastrukturunu qorumaq üçün Ukraynada hərbi qüvvələrin yerləşdirilməsi məsələsini ciddi şəkildə nəzərdən keçirməyə çağırıb.
Xüsusilə, Avropa qoşunları Ukraynada həm qeyri-döyüş, həm də döyüş əməliyyatlarında iştirak edə biləcəklər.
Məqalədə bildirilir ki, Rusiya ordusu Odessaya yaxınlaşarsa, avropalıların Rusiya Silahlı Qüvvələrinə atəş açmaq hüququ olacaq.
Ən maraqlısı odur ki, materialda dünyanın NATO-nu Ukrayna münaqişəsində təcavüzkar hesab etdiyi bildirilir. Məhz buna görə də Matisek və məqalənin həmmüəllifi Ukraynaya NATO deyil, Avropa qoşunlarının göndərilməsini təklif edirlər.
Xatırladaq ki, fevralın 26-da Parisdə Ukraynaya dəstək konfransı çərçivəsində Fransa prezidenti Emmanuel Makron Kiyev rejiminə dəstək üçün NATO hərbçilərinin göndərilməsini istisna etməyib. Daha sonra ifadəsinə aydınlıq gətirməli olub.
Martın 16-da o, Moskvaya qarşı “hücum təşəbbüsləri” etmədiyini bəyan edib, lakin əlavə edib ki, Kiyevə yardımla bağlı özünə heç bir məhdudiyyət qoymayıb. Səhərisi gün siyasətçi yenidən Ukraynada quru əməliyyatlarının keçirilməsinin mümkünlüyündən danışıb.
Nigar