Türkiyənin ana müxalifət partiyası CHP-nin Azərbaycanla bağlı mövqeyində müsbət dəyişikliklər olur

CHP Türkiyədə bələdiyyə seçkilərində qalib gəlib, kifayət qədər mövqeyini möhkəmləndirib. Türkiyədə CHP iqtidara gəlməsi ilə, Azərbaycana dəstəyin azalacağı, daima siyasi partiyalarda və ekspert camesində siyasi müzakirə predmeti olur. AKP kimi, CHP-nin Azərbaycana tam dəstək verməyəcəyi qeyd edilir. Burada haqli məqamlar var. İkinci Qarabağ müharibəsində CHP sədri Kamal Klıçdaroglunun və funksionerlərinin ölkəmizə ciddi dəstəyinin şahidi olmadıq. Hətta MHP kimi, CHP Azərbaycana dəstək vermədi.

CHP rəhbərliyin dəyişməsi, yeni sədrin Azərbaycanla bağlı müsbət mesajlarının şahidi oluruq. Hətta CHP sədri Özgür Özər başkanlığa seçiləndə ilk səfərini Azərbaycana edəcəyini vurğulamışdır.

Türkiyənin güclənməsi fonunda Azərbaycanla da sıx müttəfiqlik əlaqələrinə malik olması. yeni rəhbərliyin siyasətində dəyişikliklər edib.

Cənab Ərdoğanın prezidentlik dövrü iki qardaş ölkənin qızıl dövrüdür. CHP rəhbərliyi reallıqları qəbul edir və Azərbaycanla sıx əməkdaşlıq qardaş ölkənin milli maraqlarına cavab verdiyinin fərqindədirlər.

Qeyd edim ki, CHP sabiq sədri Kamal Klıçdaroglunun Azərbaycana qarşı mövqeyi məhz dövlət maraqlarından deyil, Ərdoğana qarşı qəzəbi üzərindən qurulmuşdur. Yeni CHP rəhbərliyi Azərbaycana qarşı siyaətində ciddi korrektlər etməyə başlayır və əvvəlki rəhbərliyin səhvini düzəldir.

Artıq Türkiyədə 20 illik oturuşmuş sistem var və bu sistemi müdafiə edib, inkişaf etdirmək CHP üçündə əsas xətt olacaq. Çünki, bu plan Türkiyəni regional gücə və söz sahibi ölkəyə çevirib. Uzun müddət CHP sıralarında anti-Azərbaycan mövqelərinin şahidi olmuşuq. Yeni sədr bu kimi çıxışların qarşısını almalı və yeni siyasətində Azərbaycanla bağlı məsələdə partiyanın bütün kadrolarına tapşırıq verməlidir. Türkiyə ilə Azərbaycan arasında imzalanmış bəyannamə və müqavilələr iki qardaş ölkənin Cənubi Qafqazda mövqeyini möhkəmləndirib.

Məhəmməd Əsədullazadə

visiontv.az