Dünya

Dəniz dibində internet müharibəsi: Rusiya kabelləri kəsir

qaynarinfo.az

18:19 16.04.2024

Smartbee
Şikayət et

NATO Müttəfiq Dəniz Komandanlığı komandanının müavini Didye Maler bildirib ki, Rusiya onlayn rabitənin təmin edilməsinə cavabdeh olan kabelləri kəsmək qabiliyyətini inkişaf etdirdiyi üçün Avropa və Şimali Amerika "sualtı hibrid müharibəsi” qarşısında həssasdır.

Qaynarinfo xəbər verir ki, bu barədə "Daily Mail” məlumat yayıb.

"İnternetin 90 faizindən çoxu su altındadır. ABŞ, Kanada və Avropa arasındakı bütün kommunikasiyalarımız su altındadır, ona görə də çox sayda zəif yerlər var”, - Maler bildirib.

Maler əlavə edib ki, rusiyalılar kabellərdən, internet kabellərindən, boru kəmərlərindən istifadə etməklə Avropa iqtisadiyyatını pozmaq üçün sualtı müharibənin bir çox hibrid üsullarını hazırlayıblar.

"Bu, çox vacib bir narahatlıqdır, çünki bu, təxminən NATO ölkələrinin 1 milyard mülki vətəndaşı üçün təhlükəsizlik məsələsidir", - NATO Müttəfiq Dəniz Komandanlığı komandanının müavini vurğulayıb.

Qeyd edək ki, bir neçə həftə əvvəl Britaniyanın "Policy Exchange” analitik mərkəzi hökumət nazirlərini "dəniz dibində müharibə” strategiyası hazırlamağa çağıran hesabat dərc edib.

Orada bildirilir ki, dənizaltı təhlükəsizlik planı "birinci prioritet kimi Kral Donanmasının dəniz doktrinasına daxil edilməlidir”.

Ön sözdə bildirilirdi ki, Rusiya artıq Atlantik okeanının sualtı infrastrukturunu regionda milli təhlükəsizlik zəifliyi kimi araşdırmağa başlayıb, qonşu sularda isə Rusiyanın şübhəli fəaliyyəti, müəmmalı kabel kəsmə insidentləri və müttəfiqlərin dənizaltı infrastrukturun zəifliyi ilə bağlı narahatlıqları Alyansın "sualtı müharibənin yeni erasına” girdiyini göstərir.

Nizami Bağırov

Seçilən

233

Mənbələr

Şərh ()

Dəniz dibində internet müharibəsi: Rusiya kabelləri kəsir

Reytinq

Hesaba daxil ol

Qeydiyyatdan keç

Şifrəni bərpa et