Kim Çen In: "Münaqişə olacağı təqdirdə Şimali Koreya düşməni məhv edəcək"

Şimali Koreya lideri Kim Çen In aprelin 10-da Kim Çen İrin Hərbi-Siyasi Akademiyasına səfəri zamanı bildirib ki, düşmənlər “qarşıdurmanı seçsələr” Koreya Xalq Demokratik Respublikasının (KXDR) silahlı qüvvələri rəqiblərini məhv edəcəklər. Bizimyol.info xəbər verir ki, bu barədə Koreya Mərkəzi Xəbər Agentliyi (KCNA) məlumat yayıb. “Əgər düşmənlər bizimlə hərbi qarşıdurmanı seçsələr, biz bütün imkanlarımızdan istifadə edərək, şübhəsiz ki, onları tərəddüd etmədən məhv edəcəyik”, - agentlik Kim Çen Ina istinadən məlumat verib. Onu partiyanın Mərkəzi Hərbi Komissiyasının sədr müavini Park Çonq Çon, KXDR-in müdafiə naziri Kanq Sun Nam və Koreya Xalq Ordusunun Baş Qərargah rəisi Li Yonq Gil müşayiət ediblər. KXDR lideri artan zorakılıq və silahlı münaqişələr, eləcə də KXDR ətrafında qeyri-sabit və qeyri-müəyyən hərbi-siyasi vəziyyət səbəbindən ciddi şəkildə pisləşən çətin beynəlxalq vəziyyəti təsvir edib. "İndi hər zamankından daha çox müharibəyə hazırlaşmaq lazımdır. Hazırlıqlar daha etibarlı və qüsursuz olmalıdır, söhbət təkcə müharibədən yox, qalib gəlməli olacağımız müharibədən gedir", - Kim Çen In bildirib. Bundan əlavə, o qeyd edib ki, hərbi münaqişədə qələbənin dəyişməz açarı ədədi və texniki üstünlüyü “üstün ideyalar və hərbi üsulla” qırmaqdır. Akademiyanın ərazisində KXDR lideri yeməkxanaya, sinif otaqlarına və yataq otaqlarına baş çəkib, kursantların həyatı ilə maraqlanıb. Onun sözlərinə görə, akademiya və onun məzunları partiyanın və dövlətin fəxri, gələcəyini etibar etdiyi güc mənbələrindən biridir. Qadir, Bizimyol.info