AZ

"Qana-qan, ölümə-ölüm": Kiyev Xarkova görə Rusiyaya "konkret cavab" hazırlayır

"Ukraynanın iri şəhərlərinə davamlı zərbələrlə rusiyalılar əhalini terrora məruz qoyur, ukraynalıların müqavimət iradəsini qırmağa cəhd edir..."
 
"Xəyala qapılmaq lazım deyil, 48 saat ərzində hamı məhəllə-məhəllə Xarkovu tərk edib rədd olmalıdır..."
 
Ukrayna Xarkovun hər gün qəddar atəşlərə məruz qaldığına görə "konkret cavab" hazırlayır.
 
Moderator.az xəbər verir ki, bu barədə Ukrayna prezidenti Vladimir Zelenski bəyan edib. Məlumatı "news.liga.net" nəşri yayıb.
 
Zelenskinin sözlərinə görə, o, Ukrayna Təhlükəsizlik Xidmətinin rəhbəri Vasili Malyuk, Ukrayna Müdafiə Nazirliyi Baş Kəşfiyyat İdarəsinin rəhbəri Kirill Budanov və daxili işlər naziri İqor Klimenko ilə Rusiyanın Xarkova və Ukraynanın şərq regionlarına zərbələri ilə bağlı "ayrıca söhbət" aparıb.
 
"Rusiya öz terrorunu bir dəqiqə belə dayandırmır. İnsanlarımızın etibarlı müdafiəsi üçün işləyirik. Düşmənə çox konkret və ədalətli cavab hazırlayırıq", - Zelenski məlumat verib.
 
Ukrayna prezidentinin sözlərinə görə, o, həmçinin cəbhədəki vəziyyəti Ukrayna Silahlı Qüvvələrinin Baş Komandanı Aleksandr Sırski ilə gələcək fəaliyyətin razılaşdırılması üçün müfəssəl müzakirə edib.
 
"Hər bir döyüş briqadasının dövlətin müdafiəsi naminə bütün zəruri olanlara malik olması üçün maksimum çalışırıq", - Zelenski vurğulayıb.
 
Son ayda Rusiya xüsusilə Ukraynanın şərqi və cənubundakı iri şəhərlərə zərbələr endirməyə başlayıb. Ən çox zərər çəkən Xarkov, Odessa və Zaporojye şəhərləridir, bu yaşayış məntəqələri hər gün raketlər, aviasiya bombaları və kamikadze-dronlarla hücumlara məruz qalır. 
 
Analitiklər qeyd edir ki, bu taktikanın hərbi məqsədləri yoxdur, bu üsulla rusiyalılar əhalini terrora məruz qoyur, ukraynalıların müqavimət iradəsini qırmağa cəhd edir.
 
Bu yaxınlarda Rusiyanın Xarkov və Ukraynanın digər iri şəhərləri ilə bağlı niyyətlərini Rusiya Dövlət Dumasının deputatı, dövlət mühafizəsi orqanlarının sabiq əməkdaşı Andrey Luqovoy müfəssəl olaraq səsləndirib.
 
"Xarkovu o qədər elektrik enerjisiz qoymaq lazımdır ki, o, həyatıqabiliyyətli olmasın. Orada qalan 800 min adam piyada, yaxud maşınlara, arabalara əyləşib Qərbə üz tutsunlar", - o, Kremin Ukraynanın rusdilli əhalisinin "müdafiəsi" üçün planlarını təsvir edib.
 
Onun bu fikrini Rusiyanın əsas təbliğatçılarından olan Vladimir Solovyov davam edib.
 
"Xəyala qapılmaq lazım deyil, 48 saat ərzində hamı Xarkovu məhəllə-məhəllə tərk edib rədd olmalıdır", - o, bəyan edib.
 
Ukrayna Baş Qərargahı rəisinin sabiq müavini qeyd edib ki, Putin Xarkovu ona "bir dəfə də tabe olmayan" "dini və rusdilli" şəhər hesab edir.
 
"Putin bu şəhərə böyük ümidlər bəsləyib, orada, Ukraynanın ilk paytaxtında o zamankı rəhbərlik vasitəsilə "rus dünyasını" irəliyə aparmağa ümid edib. 
 
Lakin nə 2014-cü, nə də 2022-ci illərdə buna nail ola bilməyib, hərçənd, buna böyük vəsaitlər xərclənib. Ona görə də Putin Xarkova "dişlərini qıcayıb", - ekspert Kremlin Ukraynanın ilk paytaxtının məhv edilməsinə bu qədər mübtəla olduğunu izah edib.
Seçilən
230
11
Mənbələr
Şərh ()
Bağla

Reytinq

Saray Ailə Sağlamlıq Mərkəzinin terapevti Sevinc Zeynalova vəfat edib
26310
"Komedixana"nın ulduzları haralıdır? - SİYAHI
17557
Cavid Gülün həyat yoldaşı gözəlliyi ilə heyran etdi - FOTO
16920
Zaqatalada baş verən ağır yol qəzasının təfərrüatları məlum olub - YENİLƏNİB VİDEO
16684
Bakıda hoteldə ölən dostlarla bağlı DETALLAR: Viskini içdikdən sonra... - FOTO
13965
Bakı ilə bağlı XƏBƏRDARLIQ - Saat 12-dən başlayaraq...
11427
5 ailə üzvünü öldürən Əhməd azadlığa çıxır? - Vəkil açıqladı
11344
İbrahim Tatlıses Azərbaycanda çəkilən görüntülərinə görə əsəbiləşdi - VİDEO
10726
Sumqayıtda ana və 2 azyaşlı övladı 11 gündür itkin düşüb – FOTO
10065
Aytən Səfərova qəzadan sonra ilk dəfə danışdı - VİDEO
9459
Bakıda anasını dostuna qısqandı, dəhşət saçdı - TƏFƏRRÜAT
7263
Səidə Sultan klipi üçün lüt soyundu
7136
Namiq Qaraçuxurlu başına gələn QƏZADAN DANIŞDI — VİDEO
6142
Elcan Rəsulov xəstəxanalıq oldu - FOTO
5941
Bölgələrə güclü yağış yağıb, çaylardan sel keçib - FAKTİKİ HAVA
5676
Anası ilə dostunun sevgi münasibətlərinin olmasından şübhələnib dəhşət saçdı - VİDEO
5469
Talıb Tale evlənir
5189
Evinə əxlaqsız qadınlar gətirən idmançının qətli ilə bağlı yenilik: Arvadının anlaqsız olması...
5145
Avtomobil sahiblərini məyus edəcək xəbər: Bu maşınlar qadağan ediləcək
4550
Azərbaycanın məşhur iş adamına ağır itki - FOTO
4293