ABŞ hökuməti İsraili Qəzza zolağında atəşkəs üçün danışıqlarda güzəştə getməyə çağırır.
Oxu24.com xəbər verir ki,bu barədə “The Wall Street Journal” Amerika, İsrail və Misir rəsmilərinə istinadən məlumat yayıb.
Xüsusilə, ABŞ hakimiyyəti hazırda bir milyondan çox fələstinlinin yerləşdiyi Rəfahın cənubunda İsrailin hərbi hücumu planlaşdırmasından narahat olduğu üçün Qəzza zolağının cənubundan şimala mülki əhalinin bir hissəsinin qayıtmasına nail olmaq istəyir.
Qəzza zolağında atəşkəs və HƏMAS-ın götürdüyü israilli girovların İsraildə həbsdə olan fələstinlilərlə dəyişdirilməsi ilə bağlı danışıqlar aprelin 7-də Qahirədə baş tutmalıdır. Danışıqlarda ABŞ, Qətər, İsrail və HƏMAS-ın nümayəndə heyətləri iştirak etməyi planlaşdırır.
2023-cü ilin noyabrında İsrail Müdafiə Qüvvələrinin (IDF) radikal islamçı HƏMAS hərəkatına qarşı apardığı şiddətli döyüşlər səbəbindən təxminən 800.000 fələstinli Qəzzanın şimalından cənubuna təxliyə edildi. O vaxtdan bəri İsrail fələstinlilərin geri qayıtmasına qadağa qoyub.
Nigar
