Rusiyanın Helsinkidəki səfiri: Finlandiya gələcəkdə Ukraynaya qoşun göndərə bilər

"Gələcəkdə Finlandiya öz ordusunu Ukraynaya göndərmək qərarına gələ bilər, Helsinki bu məsələdə Vaşinqtona arxalanacaq". Bizimyol.info xəbər verir ki, bu barədə Rusiyanın Finlandiyadakı səfiri Pavel Kuznetsov ölkə mətbuatına müsahibəsində bildirib. “Finlandiya rəhbərliyinin bəyanatlarına əsasən, Helsinki hələlik öz əsgərlərini Ukraynaya göndərməyi planlaşdırmır. Bununla belə, Finlandiyanın mövqeyi bu mövzunun “diqqətdə saxlanılmalı” olduğuna və gələcəkdə hər şeyin mümkün ola biləcəyinə inanan xarici işlər naziri Elina Valtonenin bəyanatlarına əsasən, hər şey tez bir zamanda dəyişə bilər. Hesab edirəm ki, bu məsələdə finlər ilk növbədə Vaşinqtona diqqət yetirəcək, hətta Avropa nəhənglərinə də yox”, - deyə səfir qeyd edib. Bundan əvvəl Valtonen Qərb qoşunlarının Ukraynaya göndərilməsinin mümkünlüyü ilə bağlı sualı cavablandırarkən demişdi ki, uzunmüddətli perspektivdə Helsinki heç nəyi istisna etməməlidir. Fransa prezidenti Emmanuel Makron fevralın 26-da bildirib ki, Parisdə 20-yə yaxın Qərb ölkəsinin nümayəndələrinin iştirakı ilə keçirilən görüşdə Qərb dövlətlərinin quru qoşunlarının Ukraynaya göndərilməsinin mümkünlüyü mövzusu qaldırılıb. Onun sözlərinə görə, iştirakçılar bu məsələdə konsensus əldə etməyiblər, lakin gələcəkdə belə bir ssenarinin olmasını da istisna etməyiblər. Konfransdan sonra iclasda iştirak edən əksər ölkələrin nümayəndələri Ukraynaya qoşun yeritməyi planlaşdırmadıqlarını bəyan ediblər. Rusiya prezidentinin mətbuat katibi Dmitri Peskov bildirib ki, xarici hərbi kontingentlərin Ukraynada görünməsi son dərəcə mənfi, hətta düzəlməz nəticələrlə dolu olacaq. Peskov qeyd edib ki, Makron son həftələrdə münaqişə zonasına qoşun göndərmək fikrində kifayət qədər ardıcıl olub, ona görə də onun tezislərini səhv tərcümə ilə əsaslandırmaq güman edirik ki, mümkün deyil. Qadir, Bizimyol.info

• tags
• tags