Uşaq niyə utancaq böyüyür?- 3 əsas səbəbi açıqlandı

Utancaqlığı aşkar bir çatışmazlıq kimi təsnif etmək çətindir. Lakin bu, həyat keyfiyyətini əhəmiyyətli dərəcədə pisləşdirə bilər. Fakt budur ki, özünə şübhə və "kənarda durmaq" istəyi insana öz potensialını tam şəkildə reallaşdırmağa imkan vermir.

Lent.az xarici KİV-ə istinadən xəbər verir ki, utancaqlığın uşaqlıqda formalaşdığını başa düşmək lazımdır.

Buna hansı amillər kömək edir?
Uşağın xüsusiyyətləri

Bəzi insanlar kiçik yaşlarından utancaqlığa meyl göstərirlər. Bu, onların xarakterinin bir xüsusiyyətidir. Valideynlərin bu faktı nəzərə almaları və öz tərbiyə xəttini övladlarının xüsusiyyətlərini nəzərə alaraq qurmaları vacibdir. Onları çox sıxışdırmayın, tənqid etməyin və ya çox avtoritar davranmayın.

Cəmiyyət

Bəzən ətrafımızdakı insanlar çox qəddar olurlar. Əgər "zəif" utancaq bir insan görsələr, onu sıxışdırmağa çalışırlar. Uşağınıza zorakılığa qarşı mübarizə aparmağı və heç kimdən qorxmamağı öyrətmək vacibdir.

İstehza

Zərif psixi quruluşa malik həssas bir uşağınız olduğunu bilirsinizsə, onu ələ salmamağa və tənqid etməməyə çalışın. Mütəxəssislərin fikrincə, şərhlər mümkün qədər düzgün və balanslı olmalıdır.