“Android” rabitə operatorlarına istifadəçiləri izləməyi qadağan edəcək

“Android 15” əməliyyat sisteminin (ƏS) buraxılması ilə istifadəçilər öz geolokasiyalarının mobil operatorlara ötürülməsinə nəzarət edə biləcəklər.

Beləliklə, “Android 15” əməliyyat sistemi ilə işləyən smartfonların istifadəçiləri fövqəladə vəziyyət rejimi aktiv olarkən və xüsusi ehtiyac halı istisna olmaqla, operatorların geolokasiya sorğularını bloklamağa imkan verəcək parametr əldə edəcəklər.

Qeyd olunub ki, bu funksiya xüsusilə vacibdir, çünki smartfon sadəcə yaxınlıqdakı qülləyə qoşulmaqla onun yeri haqqında məlumatları operatora müstəqil şəkildə göndərə bilir ki, bu da onun təxmini geolokasiyasını müəyyən etməyə imkan verir. Tam qorunma mümkün olmasa da, “Android 15” istifadəçilərə bu cür məlumatların nə vaxt paylaşılacağına daha çox nəzarət imkanı verəcək.

Funksiya daha əvvəl “Android 14 QPR2”yə əlavə edilib, lakin sonradan “Android 15”də tətbiq olunması üçün silinib.

Bu funksiyadan istifadə etmək üçün mobil modul istehsalçılarının dəstəklənməsi tələb olunacaq. Ehtimal ki, onun quraşdırılacağı ilk qurğular “Google Pixel” smartfonları olacaq. “Android 15”in tam buraxılışı 2024-cü ilin payızında gözlənilir.

Mənbə: androidauthority.com