Digər
BDU-nun müəllimi Rumıniyanın Alexandru İoan Cuza İasi Universitetində mühazirə deyib - FOTO
11:54 29.03.2024
- Smartbee
- Şikayət et
Bakı Dövlət Universitetinin (BDU) Biologiya fakültəsinin Botanika və bitki fiziologiyası kafedrasının müəllimi Kəmalə Əsədova “Erasmus+ Teaching Mobility” layihəsi çərçivəsində Rumıniyanın ən qədim universiteti olan Alexandru İoan Cuza İasi Universitetində səfərdə olub.
BDU-dan Moderator.az-a bildirilib ki, səfər müddətində Kəmalə Əsədova Alexandru İoan Cuza Universitetinin “Erasmus” üzrə koordinatoru, Molekulyar biologiya və genetika laboratoriyasının müdiri, professor Lucian Gorgan, Biologiya fakültəsinin dekan müavini, professor Çiprian Manzu, fakültənin professor-müəllim heyəti ilə görüşüb. O, fakültənin əməkdaş və tələbələri qarşısında "Azərbaycanın florası və bitkiliyi" mövzusunda mühazirə ilə çıxış edib, bir neçə seminar və laboratoriya dərsi keçib.
Səfər zamanı BDU-nun əməkdaşı Alexandru İoan Cuza Universitetinin nəzdində fəaliyyət göstərən, təməli 1856-cı ildə qoyulan Botanika bağı, Biologiya fakültəsinin geniş herbari fondu, laboratoriya otaqları, Azərbaycan Multikulturalizm Mərkəzi ilə tanış olub. Mərkəzin sədri, Azərbaycan multikulturalizmi fənnini tədris edən, ölkəmizin mədəniyyətini, tarixini, dilini sevən mütəxəssis, professor Lyudmila Bejenaru qurumun fəaliyyəti ilə bağlı məlumat verib.
Şərh ()
.png)
