Yeddi yaşlı uşaq özünü güllələdi
Rusiyanın Sankt-Peterburq şəhərində yeddi yaşlı uşaq travmatik tapança ilə təsadüfən özünü döş qəfəsindən vurub.
Lent.az yerli KİV-ə istinadla bildirir ki, hadisə Moskva prospektində çoxmərtəbəli binada baş verib. Yeddi yaşlı uşaq mənzildə travmatik tapança ilə oynayırmış. Bu zaman uşaq təsadüfən özünü sinəsindən vurub.
Azyaşlı döş qəfəsinin açıq yarası, döş qəfəsinin sağ nahiyəsinə dəymiş metal güllə ilə uşaq xəstəxanasına yerləşdirilib. Həkimlər balaca xəstənin vəziyyətini qənaətbəxş kimi qiymətləndirir, hadisənin baş vermə şəraiti müəyyənləşdirilir.
