İngiltərə Premyer Liqasının əsasnaməsində klublar, eyni şirkətlər qrupuna daxil təşkilatlar arasında əməliyyatlar üzrə dəyişikliklər edilib.
Arena.az bu barədə “The Athletic” dərgisinə istinadən məlumat verir.
Premyer Liqa klubları indi “əlaqəli şirkətlər”lə sövdələşmələrini (yalnız transfer və ya kredit müqavilələrini deyil) həddən artıq şişirtdikləri aşkar edilərsə, sanksiyalarla üzləşəcəklər.
Mənbənin məlumatına görə, 2024-cü ilin fevralında liqa komandaları əlaqəli şirkətlərlə, o cümlədən həm şirkətlər qrupunun bir hissəsi kimi başqa bir futbol komandası ilə, həm də futbol klubu olmayan, amma Premyer Liqa klubu ilə eyni qrupun bir hissəsi olaraq şirkətlə əməliyyatlarla bağlı qaydaların sərtləşdirilməsinə səs veriblər.
Premyer Liqa Təlimatının əvvəlki versiyalarında mümkün sanksiyalara istinad edilmirdi. Bunun əvəzinə, bu, Premyer Liqanın əlaqəli tərəflə əməliyyatın ədalətli bazar dəyərinə uyğun olmadığını müəyyən etdiyi təqdirdə, kluba ədalətli bazar dəyəri barədə məlumat verəcəyini və ya müqavilə imzalanmamışsa, müqavilənin bağlanmasını qadağan edəcəyini, əks halda klubun müqaviləni pozmalı olacağını müəyyən edirdi.
İngiltərə Premyer Liqasının rəhbərliyi qaydaların pozulması ilə bağlı konkret sanksiyaların olmadığını təsdiqləyib. Qurum vurğulayıb ki, qərar hər dəfə müstəqil komissiyanın mülahizəsinə əsasən veriləcək.
