Qəbələ Regional Gənclərin Resurs Mərkəzi cərimələndi

"Qəbələ Regional Gənclərin Resurs Mərkəzi" İctimai Birliyinə inzibati protokol yazılıb.

Pravda.az-ın xəbərinə görə, protokol müvafiq qurum tərəfindən İnzibati Xətalar Məcəlləsinin 347-ci (Hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir) maddəsinə əsasən tərtib olunub.

İş Qəbələ Rayon Məhkəməsinin hakimi Abbas Əliyevin icraatındadır. Baxış iclası martın 15-də keçiriləcək.

Xəyal Quliyev