Bəzi Hollivud ulduzları evli olduqları halda ailəli olan digər ulduzlarla yasaq eşq yaşayıblar. Dünya onlardan danışıb, onlar isə sevgililərini əlcək kimi dəyişib, yeni macəraya atılıblar.
Lent.az Hollivudun qalmaqallı eşq macəralarından danışır.
Beş illik evliliyindən sonra Bred Pitt Cennifer Enistondan boşandı və Ancelina Coli ilə yeni münasibət qurdu. Pitt və Colinin çəkiliş meydançasında görüşdüyü “Mister və miss Smit” (2005) komediya filmi ən isti pərdəarxası hekayəsi olan film kimi tarixə düşdü.
Angelina Coli təcrübəli ev yıxandır. Bred Pittdən əvvəl də o, Billy Bob Thornton ilə eyni həyatı yaşamışdı.
Ancelina tərəfindən yuvası dağıdılan Cennifer Enistonun özü 3 il öncə evli həmkarı Castin Teruxun boşanmasına səbəb olmuş, 14 illik ailəni dağıtmışdı.
Endryu Qarfild və Emma Stoun “The Amazing Spider-Man” (2012) filmində sevgili rolunu oynayıb real həyatda da sevgili oldular. Əgər Endryu o vaxt aktrisa Şennon Vudvordla, Emma Stoun isə aktyor Kieran Kalkinlə evli olmasaydı bu sevgini alqışlamaq olardı.
Antonio Banderas və Melani Griffit 1995-ci ildə romantik komediyada birlikdə rol alarkən heç kim onlar arasında macəra gözləmirdi. O zaman ulduzların heç biri subay deyildi: Antonio aktrisa Ana Lesa ilə, Melani aktyor Don Consonla evli idi. Üstəlik Melani sevgilisindən 20 yaş böyük olub.
Meq Rayan, "Həyatın sübutu" trillerində (2000) Rassell Crou ilə birlikdə rol alarkən aktyor Dennis Quaid ilə evli idi. Onların yasaq sevgisi, Meq və Dennisin evliliyinin sonu demək idi. Ancaq Rayan və Krou arasındakı münasibət uzun sürmədi. Elə həmin il eşq soyudu və ayrıldılar.
