Azərbaycanın daha iki yunan-Roma güləşçisi Albaniyanın paytaxtı Tiranada keçirilən dünya çempionatında qızıl medal qazanıb.
QOL.az xəbər verir ki, Nihat Məmmədli (63 kq) finalda qazaxıstanlı Yerjet Jarlikassiyə 6:1 hesabı ilə qalib gəlib və fəxri kürsünün ən yüksək pilləsinə qalxıb.
Ülvü Qənizadə isə (72 kq) həlledici görüşdə fransalı İbrahim Qanemi 3:2 hesabı ilə üstələyib və 1-ci yeri tutub.
Qeyd edək ki, bunadək Azərbaycanın digər yunan-Roma güləşçisi Eldəniz Əzizli yarışda qızıl medal qazanıb. O, karyerasında 4-cü dəfə dünya çempionu olub.
