Cəbrayıl rayonunun Əmirvarlı kəndi ərazisindən "Shacman" markalı yük maşınını qaçırmaqda şübhəli bilinən şəxslər saxlanılıb.
Bu barədə Korrespondent.az-a Daxili İşlər Nazirliyi Mətbuat Xidmətinin Bərdə regional qrupundan məlumat verilib.
Bildirilib ki, polis əməkdaşları tərəfindən keçirilən əməliyyat tədbirləri nəticəsində nəqliyyat vasitəsini qaçırmaqda şübhəli bilinən şəxslər, əvvəllər məhkum olunan Eldar Babayev və Elçin İsmayılov saxlanılıblar: "Onlar avtomobili qazanc əldə etmək məqsədi ilə qaçırdıqlarını bildiriblər. Faktla bağlı cinayət işi başlanılıb, adıçəkilənlər barəsində həbs qətimkan tədbiri seçilib. Araşdırmalar davam etdirilir".
