Çempionlar Liqasında Liqa mərhələsinin 3-cü turunun oyunlarından sonra həftənin ən yaxşı futbolçusu seçilib.
QOL.az UEFA-nın saytına istinadən xəbər verir ki, bu, "Real"ın vingeri Vinisius Juniyor olub.
Turnirin 3-cü tur görüşündə İspaniya klubu Dortmund "Borussiya"sı ilə (5:2) qarşılaşıb. Həmin matçda 24 yaşlı braziliyalı futbolçu het-trik edib.
Qeyd edək ki, həftənin ən yaxşı futbolçusuna namizədlər “Real”dan Vinisius Junior, “Monako”dan Takumi Minamino, “Milan”dan Ticani Reynders və “Barselona”dan Rafinya idi.
