Yekaterinburqun Koltsovo hava limanında sərnişin təyyarəsi uçuş-enmə zolağından çıxıb.
Musavat.com Teleqraf.com-a istinadən xəbər verir ki, bu barədə hava limanının mətbuat xidməti məlumat yayıb.
“Aeroportumuzda təyyarələrin qəbulu və yola salınması ilə bağlı müvəqqəti məhdudiyyətlər tətbiq edilib. Buna səbəb dövlət aviasiyası təyyarəsinin uçuş-enmə zolağından çıxmasıdır”, - deyə Koltsovonun mətbuat xidməti məlumat yayıb.
Hazırda ikinci uçuş-enmə zolağı istifadəyə verilib, gələn bir sıra reyslər əlavə və alternativ aerodromlara yönəldilib.
