Bakı, 23 oktyabr, AZƏRTAC
Bakı-Balakən dəmir yolu xətti bu ilin sonu, gələn ilin əvvəlində açılacaq.
AZƏRTAC xəbər verir ki, bu barədə jurnalistlərə açıqlamasında “Azərbaycan Dəmir Yolları” QSC-nin (ADY) sədri Rövşən Rüstəmov deyib.
Onun sözlərinə görə, bununla bağlı hazırlıq işləri sürətlə həyata keçirilir: “Sərnişindaşıma istiqamətlərinin artırılması ilə bağlı konkret təşəbbüslərimiz var. Bakı-Balakən istiqamətində dəmir yolu xəttinin açılması ilə bağlı hazırlıq işləri tam sürətlə davam etdirilir. Ümid edirəm bu ilin sonu, gələn ilin əvvəlində biz bu xətti aça biləcəyik”.
