“Bu qızlar istəmədiyi adamı efirə qonaq olaraq çağırmırdılar”.
Bu sözləri teleaparıcı Zaur Kamal Sevil, Sevinc Hüseynova bacıları haqqında danışarkən qeyd edib.
“Həmin Zaur” verilişində qonaq olan bacılar və tanınmış bəstəkar, ifaçı Hacı Nazim də bu fikri təsdiq edib. Onlar bildirib ki, əgər sevmədiyin insanla bir verilişdə çıxış edəcəksənsə, o zaman səmimiyyət itir. Bacılar vurğulayıb ki, insanlar onları səmimiyyət göstərdikləri üçün sevirlər. Zaur Kamal isə bu fikrə qatılmadığını söyləyib:
“Mən o qədər müğənni ilə bir veriliş aparmışam. Hərdən deyirəm ki, gör bu kimdir, mən bununla oturub veriliş aparıram. Ona görə mən xəstəlik tapdım. 5 gün efiri necə doldurum? Yola verirəm. Hər dəfə alınmır axı. Mən xoşlamadığımı Əli, Vəli, o birilər xoşlayır. Biz kütlə üçün, tamaşaçı üçün çalışırıq”.
