İsrail Müdafiə Qüvvələri (IDF) Beyrutdakı xəstəxanalardan birinin altında Livanın “Hizbullah” qruplaşmasına aid yeraltı bunker aşkarlayıb.
Turkustan.az xəbər verir ki, bu barədə İDF-nin sözçüsü kontr-admiral Daniel Həcəri bildirib. Onun sözlərinə görə, bunker şəxsən öldürülən “Hizbullah” lideri Həsən Nəsrullaha məxsus olub. Sığınacaqda 500 milyon dollardan çox qızıl və nağd pul var idi. İsrail İranı qrupu maliyyələşdirməkdə ittiham edib.
"Bu pul Livanın yenidən qurulması üçün istifadə oluna bilərdi, lakin bunun əvəzinə “Hizbullah”ı gücləndirmək üçün istifadə edildi", - deyə "The Times of Israel" Haqaridən sitat gətirir. Kontr-admiral həmçinin Livan hökumətini və beynəlxalq təşkilatları bu vəsaitlərin İsrailə qarşı terror fəaliyyətləri üçün istifadəsinin qarşısını almağa çağırıb.
Haqari əlavə edib ki, İsrail Hərbi Hava Qüvvələri yeraltı kompleksi yaxından izləyir. Lakin İDF Livan xalqına qarşı deyil, “Hizbullah”a qarşı döyüşdüyü üçün xəstəxanaya hücumların planlaşdırılmadığını vurğulayıb.
Bunkerlə bağlı məlumatların açıqlanması “Hizbullah”ın maliyyə obyektlərinə bir gecədə hava hücumlarından sonra baş verib. Xüsusilə də İsrail aviasiyası Dəməşqə hücum edərək, qruplaşmanın vəsait və silahların ötürülməsinə cavabdeh olan bölməsinin komandirini məhv edib. Haqari bu komandirin adını çəkməyib, yalnız onun sələfinin öldürülməsindən sonra varisə çevrildiyini qeyd edib./Cebheinfo.az/
