Asteroidin düşməsi nəticəsində dinozavrların yoxa çıxması ilə bağlı fərziyyənini təsdiq edən yeni tapıntı var. İndi alimlər hesab edirlər ki, bunu edən bir deyil, iki asteroid olub.
“Cebheinfo.az” xəbər verir ki, bunu “Daily Mail” yazıb.
Heriot Vatt Universitetinin alimləri təxminən 66 milyon il əvvəl eyni vaxtda ikinci dağıdıcı kosmik qayanın Yerə dəyməsinə dair sübutlar tapıblar. Onun diametri təxminən 500 metr olub və Qərbi Afrikada Qvineya Respublikasının müasir sahilləri yaxınlığında yer qabığına çırpılıb.
Onun mövcudluğunun ilk sübutu 2022-ci ildə tapılıb. İndi tədqiqatçılar təqribən doqquz kilometr dərinlikdə olan çökəkliyin yeni yüksək ayırdetməli 3D seysmik görüntülərini əldə ediblər ki, bu da onların fikrini təsdiqləyir.
Doktor Visdin Nikolsonun sözlərinə görə, asteroid şimal-şərqdən 20-40 dərəcə bucaq altında gəlib. Düşmə sürəti 72.000 km/saat olaraq qiymətləndirilir.
