Rumıniya ərazisində Rusiyaya aid olduğu iddia edilən pilotsuz uçuş aparatının (PUA) qalıqları tapılıb.
Axar.az xəbər verir ki, bu barədə Rumıniya Milli Müdafiə Nazirliyi məlumat yayıb.
Bildirilib ki, Rumıniya Sərhəd Polisi oktyabrın 4-ü Müdafiə Nazirliyinə Litkov kanalının yaxınlığında PUA qalıqlarının aşkar edilməsi barədə məlumat verib.
Belə ki, ölkənin Müdafiə Nazirliyi, Rumıniya İnformasiya Xidməti (dövlət təhlükəsizliyi - red) və Daxili İşlər Nazirliyinin bir qrup mütəxəssisi əraziyə baxış keçirib və müvafiq araşdırma aparılır.
