Rusiyanın Təl-Əvivdəki səfiri Anatoli Viktorov diqqət çəkən çağırışlar edib.
Rusiya mediasının yaydığı məlumata görə, o, nə qədər ki, imkan var, Rusiya vətəndaşlarına İsrail ərazisini tərk etməyi tövsiyə edib.
Diplomat regionda vəziyyətin son dərəcə gərgin olduğunu vurğulayıb.
Onun sözlərinə görə, yerli administrasiyalar İsrail sakinlərinə hərbi vəziyyətin gərginləşməsi halında bomba sığınacaqlarına köçməyə hazır olmağı tövsiyə edir.
"Mövcud duruma, həddindən artıq gərgin vəziyyətə gəlincə, biz bu İsrailə səfər etməmək tövsiyəsini gücləndiririk. Hətta indi İsrail ərazisində olan vətəndaşlara bu ərazini tərk etmək barədə düşünməyi təklif edirik",- o qeyd edib.
Azvision.az xatırladır ki, bundan öncə Rusiya Fövqəladə Hallar Nazirliyinin xüsusi qrupu Livanın paytaxtı Beyrutdan 60 vətəndaşı (Livanda xidmət göstərən diplomatik işçilərin ailə üzvlərini) evakuasiya edib.
