Keçmiş nazir rüşvət aldığını etiraf etdi
Başqırdıstan Respublikasının keçmiş nəqliyyat naziri Aleksandr Klebanov məhkəmədə cinayət işi üzrə təqsirini tam etiraf edib. Manset.az bu barədə xarici mediaya istinadən xəbər verir. Bundan əvvəl Rusiya İstintaq Komitəsinin rəsmi nümayəndəsi Svetlana Petrenko Başqırdıstanın Baş nazirinin müavini Alan Marzayevə qarşı külli miqdarda rüşvət almaqla bağlı cinayət işi açıldığını bildirib. İstintaqın nəticəsində qeyd olunub ki, Marzayev yol tikintisi şirkətlərinin rəhbərlərindən onların kommersiya fəaliyyətinə himayədarlıq etdiyinə və avtomobil yollarının tikintisi üçün dövlət müqavilələrinin bağlanmasını təmin etdiyinə görə rüşvət alıb. Transferə Başqırdıstanın nəqliyyat naziri vəzifəsində çalışmış Aleksandr Klebanov vasitəçilik edib. Onun sözlərinə görə, söhbət 37 milyon rubldan gedir.
