Ukrayna Silahlı Qüvvələri Rusiyanın “Nebo-M” radiolokasiya stansiyasına ATACMS ballistik raketləri ilə zərbə endirib.
Reyting.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.
Bildirilir ki, “Nebo-M” stansiyanın məhv edilməsi Rusiya ordusunun aerodinamik və ballistik hədəfləri müəyyən etmək, izləmək və onların qarşısını almaq imkanlarını azaltmalıdır: “Nebo-M” radarının məhv edilməsi “Storm Shadow” və SCALP-EG qanadlı raketlərinin effektiv istifadəsi üçün əlverişli “hava dəhlizi” yaradacaq”.
Ukrayna Silahlı Qüvvələrinin Baş Qərargahının məlumatına görə, “Nebo-M” RLS-i məhv etmək çox çətin əməliyyatdır, çünki stansiya gizli rejimdə işləyir, hava obyektlərinin axtarışında üfüqdə skan edir.
Rusiya Federasiyasında bu tipli cəmi 10 iş sisteminin qaldığı barədə məlumatlar var. Baş Qərargah əlavə edib ki, onların hər birinin dəyəri 100 milyon dollardan çoxdur.
V. QULİYEV
