Dortmund "Borussiya"sının hücumçusu Kərim Adeyemi "Liverpul"a keçə bilər.
90deqiqe.Az-ın “Bild”ə istinadən məlumatına görə, İngiltərə klubu 22 yaşlı cinah oyunçusu ilə ciddi maraqlanır və onu mövsümün sonunda müqaviləsi başa çatacaq Məhəmməd Salahın mümkün varisi hesab edir.
"Liverpul"un skautları Adeyeminin Bundesliqa matçlarında çıxışlarını dəfələrlə izləyib. "Qırmızılar"ın alman futbolçu üçün 50 milyon avro təklif etməyə hazır olduğu bildirilir.
Bundesliqanın bu mövsümündə Adeyemi 5 matçda 2 qol vurub və 3 məhsuldar ötürmə edib.
