"Oriqami“ uşaq və yeniyetmələr ictimai birliyi bildirir ki, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin 2024-cü il kiçik qrant müsabiqəsi çərçivəsində Sabunçu rayonu Maştağa, Nardaran və Bilgəh qəsəbələrində “Yeniyetmələrin intellektual inkişafında zehni oyunlar” layihəsinin icrasını davam etdirir.
QHT.az xəbər verir ki, “Yeniyetmələrin intellektual inkişafında zehni oyunlar” layihəsinin Fəaliyyət Planına uyğun olaraq 02 oktyabr 2024-cü il ildə Sabunçu rayonu Bilgəh qəsəbəsi T.İsgəndərov adına 142 № li tam orta məktəbdə, layihə çərçivəsində , pedaqoji heyətin üzvlərinin iştirakı ilə təqdimat və 20 nəfər (10 oğlan 10 nəfər qız) arasında Anket-Sorğusu keçirilib.
02.10.2024-cü il saat 11-00 - da könüllülük prinsipi əsasında, şəxsi həvəs və maraqlarına uyğun olaraq, məktəbin bir qrup VI,VII,VIII və IX sinif şagirdlərindən ibarət qrup məktəbin müəllimlər otağında toplaşıblar. Layihənin rəhbəri N.Nəcəfov şagirdlərə layihə barədə məlumat verdi və Anket Sorğusunun keçirilməsi ilə əlaqədar olaraq məktəblilərin suallarını cavablandırdı.
O, hər bir məktəblimim davamlı inkişafına müsbət təsir göstərən zehni oyunlardan dama, domino, şahmat,müxtəlif konstruksiyaların qurulması, pazlıların köməyi ilə müəyyən təsvirin toplanmasından danışdı, şagirdləri layihənin icrasına qoşulmağa çağırdı. Sonra oğlan və qızların birgə iştirakı ilə məktəbin İctimai Lövhəsində layihənin çap məhsulu olan rəngli, loqolu Poster umumi baxış üçün vuruldu. Asudə vaxtı səmərəli qurmaq, dama, domino, şahmatla məşğul olmaq, pazlı quraşdırmaq və s.i. məktəblilərə diqqəti olmaqla yanaşı həm də ilkin təhlil etmə bacarıqlarını öyrədir. Sonra layihənin fokus qrupuna - 20 şagirdə, qələm və loqolu Anket-Sorğusu vərəqləri paylanildı.Şagirdlər 20 dəqiqə ərzində Sorğuya cavab verdilər.
T.İsgəndərov adına 142 № li tam orta məktəbdə “Yeniyetmələrin intellektual inkişafında zehni oyunlar” layihəsinin təqdimatında məktəbin direktor əvəzi T.Mahmudova, T/t işi üzrə müavin Ş.Əmirova,UBTR M.Ağayeva, F/t tərbiyə müəllimi S.Mehdiquliyev, psixoloq G.Hüseynova, sosial pedaqoq R.Quliyeva və digər müəllimlər iştirak edirdilər. Layihə rəhbəri N.Nəcəfov pedaqoji heyətə layihənin məqsədi,əhatə dairəsi ,şagirdlərdən bir qrupunun rəğbətləndirilməsi barədə ətraflı məlumat verdi və hədiyyələri nümayiş etdirdi. Məktəbin direktor əvəzi T.Mahmudova, F/t müəllimi S.Mehdiquliyev,psixoloq G.Hüseynova çıxış edərək,şagirdlərin intellektinin inkişafı məqsədi ilə bu qəbildən olan layihələri müsbət qiymətləndirdilər.
“Oriqami” təşkilatı tərəfindən həriki tədbirdə foto-video çəkilişi təşkil olunub və KİV üçün məlumat hazıtlanıb.
