Çin Xalq Respublikasının sədri Si Tsinpin iki ölkə arasında diplomatik münasibətlərin qurulmasının 75-ci ildönümü münasibətilə Rusiya lideri Vladimir Putini təbrik edib və Çinin Rusiya ilə hərtərəfli əməkdaşlığı genişləndirməyə hazır olduğunu əmin edib...
Poliqon Çin Xalq Respublikasının Xarici İşlər Nazirliyinin saytına istinadən xəbər verir ki, Si Rusiya ilə birlikdə dünyada sabitliyi qoruyub saxlamağa da söz verib:
"Mən Çin və Rusiya arasında hərtərəfli əməkdaşlığı davamlı olaraq genişləndirmək, planetdə sülh və sabitliyin qorunmasına töhfə vermək üçün prezident Putinlə işləməyə hazıram".
Si həmçinin qeyd edib ki, Çin və Rusiya arasında siyasi etimad güclənir və onların əməli əməkdaşlığı yaxşı nəticələr verir.
"Eyni zamanda, Putin bildirib ki, Rusiya-Çin münasibətləri tarixdə rekord yüksək səviyyədədir", deyə Çin XİN-i qeyd edib.
Rusiya lideri həmçinin bəyan edib ki, Rusiya-Çin hərtərəfli strateji tərəfdaşlığı bundan sonra da möhkəmlənəcək və Avrasiyada və dünyada təhlükəsizlik və sabitliyə töhfə verəcək.
Poliqon.info
