Rumıniya parlamenti Prezident Klaus İohannisin ölkədə ukraynalılar üçün hərbi-dəniz təlim mərkəzinin açılması ilə bağlı müraciətini təsdiqləyib.
“Aznews.az” xəbər verir ki, bu barədə “Agerpres” agentliyi dövlət başçısının məktubunun mətninə istinadən məlumat yayıb.
“Rumıniyanın öz ərazisində hərbi-dəniz sahəsində təlim mərkəzi açmaqla, habelə Ukrayna dəniz piyadalarının təlim prosesinə dəstək olmaqla töhfə vermək imkanı var”, - məktubda deyilir.
Mərkəzin iki il müddətində fəaliyyət göstərəcəyi, onun maliyyələşdirilməsi və birinci mərhələdə işlərin planlaşdırılmasının tam olaraq Böyük Britaniya tərəfindən həyata keçiriləcəyi nəzərdə tutulur.
