Xiaomi 23 oktyabr tarixində Xiaomi 15 smartfon seriyasını təqdim edəcək. Sözügedən seriyaya iki model daxil olacaq. Xiaomi 15 və Xiaomi 15 Pro. İnsayderlər bu dəfə Xiaomi 15 Pro-nun kameraları barəsində yeni məlumat veriblər. Onların sözlərinə əsasən keçən ilki Xiaomi 14 Pro ilə müqayisədə Xiaomi 15 Pro daha yaxşı telekameranı əldə edəcək. Söhbət, 5 qat optik zoom özəlliyinə sahib Sony IMX858 adlı telekameradan gedir. Müqayisə üçün qeyd etmək lazımdır ki, Xiaomi 14 Pro-nun telekamerası 3.2 qat optik zoom özəlliyinə sahibdir. Həmçinin Sony IMX858 artıq Xiaomi 13 Ultra-da istifadə edilib. Xiaomi 15 Pro smartfonu 50 MP-lik telekameradan əlavə olaraq 50 MP-lik əsas arxa kameranı və 50 MP-lik ultra geniş bucaqlı kameranı da əldə edəcək və o, dəyişkən diafraqmaya sahib olacaq.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
