2024-cü il avqustun sonunda Çinin Rusiya bazarlarında işləyən satıcıların ümumi hesablaşmalarında payı 67,8%-dən 51,1%-ə qədər azalıb. Manset.az bu barədə xarici mediaya istinadən xəbər verir. İkinci dərəcəli Qərb sanksiyalarının ölkəsinə təsir edəcəyindən narahat olan Çin bankları Rusiya Federasiyasında mövcud onlayn platformalardakı tədarükçülərinin payını azaldıb. Lakin Belarus, Ermənistan və Qırğızıstanda alışları 3-5 dəfə artıb, çünki qarşılıqlı hesablaşmaların əhəmiyyətli hissəsi rublla aparılır. Həmçinin Çin bankları Rusiyadan gələn malların ödənişlərinin yoxlanılması müddətini uzatmağa başlayıblar. Əvvəl bu cür məhdudiyyətlər Çində istehsal olunan neft və qaz sənayesi üçün elektronika və avadanlıq kimi ABŞ-dən lisenziya tələb edən mallara şamil edilirdi. Qeyd edək ki, Rusiya və Çin arasında ödənişlərlə bağlı problemlərə baxmayaraq, əsas bazarların şərhlərinə görə, ümumiyyətlə, bazarda vəziyyət hələ kritik deyil.
