ABŞ-nin “Gürcü Arzusu”nun dörd liderinə sanksiya tətbiq etdiyi bildirilir

Yayımlandı: 1 Oktyabr 2024 00:20 Partiyanın baş katibi artıq xarici banklarda pul saxlamadığını deyir ABŞ Gürcüstan hakimiyyətində təmsil olunan Kaladze, Mdinaradze, Oxanaşvili və Samxaradzeyə qarşı sanksiyalar tətbiq edib. Müxalif “Formula TV” kanalının mənbəsi bildirir ki, ABŞ-ın sanksiya tətbiq etdiyi 60 nəfər arasında “Gürcü Arzusu”nun 4 lideri var: Tbilisi meri və partiyanın baş katibi Kaxa Kaladze, partiyanın parlament lideri Mamuka Mdinaradze, hüquq komitəsinin sədri Anri Oxanaşvili, parlamentin və siyasi şuranın üzvü Dmitri Samxaradze.ABŞ Dövlət Departamenti Gürcüstanın 60-dan çox hökumət və parlament üzvünə, o cümlədən onların ailə üzvlərinə qarşı “demokratiyanı pozduqlarına” görə sanksiya tətbiq edib. ABŞ Maliyyə Nazirliyi Daxili İşlər Nazirliyinin yüksək rütbəli məmuru Zviad Xarazişviliyə, onun müavini Miller Laqazauriyə, Rusiyayönlü və zorakılığa meylli Alt-info təşkilatının iki üzvü – Zurab Maxaradze və Konstantin (Kote) Morqoşiaya qarşı da sanksiyalar tətbiq edib. “Gürcü Arzusu”nun baş katibi Kaxa Kaladze artıq xarici banklarda pul saxlamadığını bildirib. Deyib ki, onlara etibar etmir:“Niyə orada saxlamalıyam? Əvvəla, İvanişviliyə münasibətinə baxın, adamı soyublar, mən niyə onlara inanmalıyam? Əlbəttə, mən ora güvənmirəm”. “Mənə görə narahat olmayın. Mən əsəbi deyiləm və narahat olmayın. Vəsaitlərimin sərəncamını sizinlə əlaqələndirməliyəmmi? İvanişviliyə sanksiya verilib. Reallıq göz qabağındadır – de-fakto sanksiyalaşdırılıb. Adam bütün məhkəmələrdə qalib gəldi, ancaq pulu qaytarmırlar. Bu, siyasi qərardır. Təəssüf ki, indiki dünyada ədalət yoxdur. Kiminsə sanksiyaya məruz qalıb-qalmaması önəmli deyil. Xahiş edirəm, maliyyə və pulumla bağlı narahat olmayın”,-deyə bildirib.Kaxa Kaladze onu da izah edib ki, ABŞ-ın ona qarşı konkret olaraq sanksiyalar tətbiq edib-etməməsi barədə şəxsən ona məlumat verilməyib. “Bizə dedilər ki, 60 nəfər sanksiya altındadır. Bunu şəxsən mənə deməyiblər. Bilmirəm, mənim üçün fərqi yoxdur”, – iqtidar partiyasının baş katibi deyib.Müxalif “Formula” telekanalının məlumatına görə, ABŞ-ın sanksiya tətbiq etdiyi 60 nəfər arasında Tbilisi meri və hakimiyyətdə olan partiyanın baş katibi Kaxa Kaladze də var. Meydan TV

• Sanksiya
• Abş
• Gürcü Arzusu