Köçərli Həsənov İstanbulda vəfat etdi

“İri Şəhərlərin Birləşmiş Su Təchizatı Xidməti” publik hüquqi şəxsin İdarə Heyətinin sədri Köçərli Həsənov sentyabrın 25-də səhər saatlarında dünyasını dəyişib."DogruXeber.az" xəbər verir ki, bu haqda onun yaxınları məlumat verib. Bildirilir ki, K.Həsənov Türkiyənin İstanbul şəhərində ürəyindəki stendi dəyişdirməyə gedibmiş. Əməliyyatdan bir neçə saat sonra onun vəfat etdiyi deyilir.Köçərli Həsənovu uzun illər “Azərsu” ASC-nin sədrinin müavini vəzifəsində çalışıb. O, bu ilin iyun ayında Azərbaycan Dövlət Su Ehtiyatları Agentliyinin nəzdində yaradılan “İri Şəhərlərin Birləşmiş Su Təchizatı Xidməti” publik hüquqi şəxsin İdarə Heyətinə sədr əvəzi təyin olunub. Bu yaxınlarda isə sədr vəzifəsinə təsdiqlənibmiş.Qeyd edək ki, Köçərli Həsənov 10 noyabr 1961-ci ildə Saatlı rayonu Əlisoltanlı kəndində anadan olub.