Rusiya seçkilərə təsir etmək üçün süni intellektdən istifadə edir

Rusiya ABŞ-dakı prezident seçkilərinə təsir etmək üçün süni intellektdən istifadə edərək digər ölkələrlə müqayisədə daha çox məzmun istehsal edir.

Bizimxeber.az bildirir ki, bu barədə "Reuters" nəlumat verub.

Kəşfiyyat rəsmisinin sözlərinə görə, bu, respublikaçı namizəd Donald Trampı dəstəkləmək və vitse-prezident Kamala Harrisi nüfuzdan salmaq üçün daha geniş strategiyanın bir hissəsidir 

Rusiya süni intellektdən Trampın şanslarını artırmağa, Harris və Demokratlar Partiyasının populyarlığını azaltmağa yönəlmiş məzmun yaratmaq üçün istifadə edir.

Rusiya Amerikanın seçki sistemini daha yaxşı başa düşən və təsir üçün uyğun hədəfləri müəyyən edən daha təcrübəli oyunçudur. 

Onun sözlərinə görə, buna misal olaraq iyul ayında ABŞ Ədliyyə Departamentinin sosial şəbəkələrdə rusiyayönlü mesajların yayılması üçün süni intellektdən istifadə ilə bağlı əməliyyatın dayandırıldığını elan etməsini göstərmək olar.

Rusiya ilə yanaşı, Çin və İran da qlobal baxışlara təsir etmək üçün süni intellektdən istifadə edirlər. Kəşfiyyat rəsmisi bildirib ki, lakin onlar hələ də ABŞ seçkilərinə müdaxilə etmək üçün bundan istifadə etməyiblər.