Avropa Birliyi (AB) bazarında yeni avtomobil satışları avqust ayında keçən ilin eyni ayına görə 18,3 faiz azalaraq 643 min 637 ədədə geriləyib.Avropa Avtomobil İstehsalçıları Assosiasiyası (ACEA) avqust ayı üçün Aİ ölkələrinin yeni avtomobil qeydiyyat məlumatlarını açıqlayıb.Məlumatlara görə, AB ölkələrində yeni avtomobil satışları keçən ay 2023-cü ilin eyni ayına görə 18,3 faiz azalaraq 643 min 637 ədəd olub.Birliyə üzv ölkələrdə satılan yeni avtomobillərin 33,1 faizini benzin, 31,3 faizini hibrid, 14,4 faizini elektrik, 11,2 faizini dizel, 7,1 faizini plug-in, 2,9 faizini isə digər yanacaq növlərindən istifadə edən avtomobillər təşkil edib.Ötən ilin eyni dövründə elektriklə işləyən avtomobillərin ümumi satışdakı payı 21 faiz olub. Elektrikli avtomobil satışlarının avqust ayında keçən ilin eyni dövrü ilə müqayisədə 43,9 faiz azalaraq 92 min 627 ədəd olması diqqət çəkib.Elektriklə işləyən avtomobillərin ümumi satışlarda payının sürətlə azaldığı vurğulanıb.Yeni avtomobil satışı avqustda ötən ilin eyni dövrü ilə müqayisədə Almaniyada 27,8 faiz, Fransada 24,3 faiz, İtaliyada 13,4 faiz, İspaniyada 6,5 faiz azalıb.Digər tərəfdən, yanvar-avqust dövründə cəmi satışlar keçən ilin eyni dövrünə görə 1,4 faiz artaraq 7 milyon 180 min 492-yə çatıb.İstehsalçıların məlumatına görə, "Volkswagen" qrupu avqust ayında 179 min 41 avtomobillə AB-də ən çox yeni avtomobil satıb."Volkswagen" qrupunu "Stellantis" qrupu izləyib. "Peugeot", "Fiat", "Citroen" və "Opel" kimi markaların daxil olduğu "Stellantis" qrup 92 min 667 avtomobil satıb."Renault" qrup 64 min 392 yeni avtomobillə üçüncü, "Hyundai" qrup isə 56 min 450 yeni avtomobillə dördüncü yerdə qərarlaşıb.Məlumatların ardınca Avropa avtomobil sənayesi elektrikli avtomobillərə tələbatın azalmasına qarşı təcili tədbirlər görməyə çağırıb.Mənbə: AA
