BBC xəbərin keçmiş aparıcısı Hyu Edvards uşaq pornoqrafiyası saxladığına görə altı aylıq şərti həbs cəzasına məhkum edilib. SİA xəbər verir ki, bu barədə “Sky News” məlumat yayıb.
Bildirilib ki, bu qərarı Londonda Vestminster Məhkəməsinin hakimi qəbul edib.
Aleks Uilyams adlı pedofil ilk dəfə 2018-ci ildə instaqram vasitəsilə Edvards ilə əlaqə saxlayıb və o vaxtdan uşaqların nalayiq şəkillərini yaymaq və saxlamaqda təqsirli bilinib. Məhz həmin araşdırma zamanı Edvardsın bu məsələlərdə iştirakı üzə çıxıb.
Nəşrin məlumatına görə, Edvards 2020-ci ilin dekabrından 2021-ci ilin avqustuna qədər ona 41 porno şəkil göndərən Uilyamsa 2 min dollar ödəyib. Bu fotolardakı uşaqlardan birinin yaşı yeddi ilə doqquz arasında olub. Uilyamsın özünə 12 aylıq şərti həbs cəzası verilib.
Hakim Edvardsın ictimaiyyət və ya uşaqlar üçün risk yaratmadığını və dərhal həbs cəzasına ehtiyac olmadığını bildirirək onun reabilitasiya seansından keçməli olduğunu deyib.
Bundan əlavə, 63 yaşlı keçmiş aparıcının adı 7 il ərzində seksual cinayətkarların qeydiyyat siyahısında qalmalıdır.
Qeyd edək ki, 5 uşaq atası Edvards BBC-nin saat 10:00 xəbər bülletenlərində aparıcılıq edib, həmçinin II Elizabetin dəfn və III Çarlzın tacqoyma mərasimini işıqlandırıb.
