Almaniya kansleri Olaf Şolz Özbəkistana rəsmi səfərə gəlib.
Oxu24.com xəbər verir ki, bu barədə respublika prezidenti Şavkat Mirziyoyevin mətbuat xidməti məlumat yayıb.
İdarədən verilən məlumata görə, Almaniya kanslerinin səfəri iki gün davam edəcək. O, Mərkəzi Asiya ölkəsinin rəhbərliyi ilə çoxşaxəli əməkdaşlıq məsələlərini müzakirə etmək niyyətindədir.
O da dəqiqləşdirilir ki, Mirziyoyev Şolzla Səmərqənd şəhərinin mərkəzindəki Registan meydanında şəxsən görüşüb.
Bundan əvvəl məlum olmuşdu ki, Olaf Şolz Ukraynaya Qərb raketləri ilə Rusiya ərazisinə uzaqmənzilli zərbələr endirmək hüququnun verilməsinə qarşı çıxıb. O, tərəfdaş ölkələrin, o cümlədən Böyük Britaniya və Fransanın qərarlarından asılı olmayaraq, bu mövqeyə sadiq qalacağına əmin edib.
Nigar
