Xəbər verdiyimiz kimi, “Ali təhsil müəssisələrində yeni maliyyələşmə mexanizminin tətbiq edilməsi haqqında” Azərbaycan Respublikası Nazirlər Kabinetinin 2010-cu il 25 iyun tarixli 120 nömrəli Qərarında dəyişiklik edilib.
Qərarda ayrı-ayrı ixtisaslar üzrə dövlət sifarişi ilə ali təhsil müəssisələrinin bakalavriat və əsas (baza ali) tibb təhsili səviyyələrində hər bir təhsilalana düşən illik təhsil xərclərinin miqdarı açıqlanıb.
"AzPolitia"nın "qaynarinfo"-ya istuanədən verdiyi məlumata görə, bununla da ölkənin bakalavr pilləsi üzrə ən bahalı ixtisasları da müəyyənləşib.
Bunlar Bəstəkarlıq, Dirijorluq (sahələr üzrə), İnstrumental ifaçılıq (sahələr üzrə) və Vokal sənətidir. Bu ixtisasların illik təhsil xərci 9000 AZN-dir.
Magistratura pilləsi üzrə ən bahalı ixtisaslar isə Bəstəkarlıq, Dirijorluq və İnstrumental ifaçılıqdır. Bunların hər birinin illik təhsil xərci 10 min manat təşkil edir.
Ətraflı siyahı ilə buradan tanış olmaq olar.
