İsrail Müdafiə Qüvvələrinə məxsus döyüş təyyarələri Livanın cənubunda yerləşən Hizbullah hərbi obyektlərinə gecə zərbələri endirib.
Ucnoqta.az xəbər verir ki, bu barədə ordunun mətbuat xidmətinin çərşənbə axşamı dərc etdiyi məlumatda deyilir.
Bildirilir ki, İsrail Hərbi Hava Qüvvələri gecə saatlarında Livanın cənubundakı Aita əş-Şəb, Əl-Xiyam və Əl-Nakura bölgəsindəki “Hizbullah”ın hərbi obyektlərinə hücum edib.
Ordunun mətbuat xidməti İsrail ordusunun Hizbullahın yaratdığı təhlükəyə qarşı fəaliyyətini davam etdirəcəyini bildirib.
