“İnter”in argentinalı hücumçusu Lautaro Martines “France Football” nəşrinin “Qızıl top”una iddialılar siyahısında yer almasını şərh edib.
Arena.az argentinalı futbolçunun bu barədə fikrini təqdim edir:
“Mövsümü nəzərə alsaq, mən namizədlər arasında olmağa mütləq layiqəm. Bu səviyyəyə çatmaq üçün çox çalışmışam. Ardıcıl ikinci dəfədir ki, “Qızıl top”un final mərhələsindəyəm. Fikrimcə, orada qalmaq üçün hər şeyə malikəm”, deyə Lautaro Martines vurğulayıb.
Yeri gəlmişkən, “İnter”in sabiq müdafiəçisi Fabio Kannavaro “neradzurri”nin argentinalı hücumçusu Lautaro Martinesin oyun səviyyəsi haqda danışıb. İtalyan mütəxəssisin bu barədə fikirlərini təqdim edirik:
“Lautaronun səviyyəsinə şübhə etmək olmaz. O, qənimət və Amerika Kubokunu qazandı. O, həmişə kluba səmərə gətirir. Ümidvaram ki, A Seriyası və “İnter” onu heç vaxt itirməyəcəklər. A Seriyasının “Mançester Siti” və ya “Real”da oynaya biləcək oyunçuları haqqında düşünəndə ağlıma Lautaro gəlir, yəqin ki, başqası yox”.
Fabio Kannavaro 2024-cü ildə “Qızıl top”u qazanmağa iddialı namizədlərinin adlarını da açıqlayıb. Ötənlərin məşhur futbolçusunun bu barədə açıqlamasına diqqət yetirək:
“Qızıl top”u kim qazanacaq? Vinisius Junor və ya Cud Bellingem, baxmayaraq ki, mövsümün ikinci hissəsində o, birinci ilə eyni səviyyədə deyildi.
Kilian Mbappe? O, yaxşı mövsüm keçirməsə də, çempiondur. O, aşkar namizəddir. Sonra Rodri və Dani Karvaxal var. Karvaxal hər şeyi qazanıb. Amma müdafiəçi “Qızıl top”u qazanmaq üçün qeyri-adi işlər görməlidir”, deyə Kannavaro vuğulayıb.
Xatırladaq ki, Kannavaro özü 2006-cı ildə “Qızıl top”a layiq görülüb.
