Bakı, 6 sentyabr, AZƏRTAC
Heydər Əliyev adına Beynəlxalq Hava Limanı-Mərdəkan avtomobil yolunun 3-cü kilometrində (“Bravo” marketin yaxınlığı) yeni yerüstü piyada keçidinin tikintisi ilə əlaqədar olaraq sentyabrın 6-sı saat 22:00-dan etibarən qeyd olunan hissədə avtonəqliyyat vasitələrinin hərəkəti işlərin aparıldığı zolaqlar üzrə hissə-hissə qismən məhdudlaşdırılacaq.
Azərbaycan Avtomobil Yolları Dövlət Agentliyindən AZƏRTAC-a verilən məlumata görə, görülən işlər zamanı yol bağlanmır.
Sürücülərdən qeyd olunan tarixdən etibarən sözügedən ərazidə yol hərəkəti qaydalarına və müvəqqəti yol nişanlarının tələblərinə riayət etmələri xahiş olunur.
