İnfeksionist Mərdan Əliyev virusdan əziyyət çəkən ölkələrə pulsuz vaksin paylanmasını müsbət hesab edir:
“Çünki Afrika ölkələrində bu virus çox yayılıb. Meymunçiçəyi endemik xəstəlikdir. Afrika ölkələrində insanlara vaksin vurularsa, yoluxma halları aradan qalxarsa, dünyanın digər bölgələrində də xəstəliyin yayılmasının qarşısı alınar. Həmin ölkələrdə insanların vaksin olunması həyati əhəmiyyət daşıyır”.
Azərbaycanda da meymunçiçəyinə qarşı vaksinlərin alınması məsələsinə M.Əliyev münasibət bildirib:
“Təbii ki hər bir ölkədə ehtiyat üçün vaksinlərin saxlanılması yaxşı haldır, çünki yoluxma sayı az da olsa, şübhəli yoluxmalar zamanı peyvəndləmə yoluxmanın artmasının qarşısını alır. Azərbaycanda meymunçiçəyinə yoluxma halı qeydə alınmayıb. Amma düşünürəm ki, ölkədə müəyyən sayda vaksinin olması qabaqlayıcı tədbirlər görülməsi baxımından lazım ola bilər”.
Törə Zeynallı
Demokrat.az
Bütün xəbərləri reklamsız oxumaq üçün
Günlük ölkədə baş verən xəbərləri bizdən izlə.
