Azərbaycanın gənc cüdoçusu Könül Əliyeva (52 kq) və Fidan Əlizadə (57 kq) Estoniyanın paytaxtı Tallində keçirilən Avropa çempionatının qalibi olublar.
Medianews.az xəbər verir ki, bütün rəqiblərinə qalib gələrək fəxri kürsünün ən yüksək pilləsinə qalxan Könül Əliyeva turnirdə Azərbaycanın aktivinə ilk qızıl medalı yazdırıb.
Bütün rəqiblərinə qalib gələrək fəxri kürsünün ən yüksək pilləsinə qalxan Fidan Əlizadə də Azərbaycanın aktivinə ikinci qızıl medalı yazdırıb.
O, finalda gürcüstanlı Nino Loladzeni üstələyib.
Qeyd edək ki, Nizami İmranov (60 kq) isə gümüş medalla kifayətlənib.
Xatırladaq ki, Avropa çempionatı sentyabrın 8-də başa çatacaq.
