Türkiyə prezidenti Rəcəb Tayyib Ərdoğan Kazanda keçiriləcək BRİKS sammitində iştirak edəcək. Bu barədə “Habertürk” telekanalı Türkiyə liderinin administrasiyasındakı mənbələrə istinadən məlumat yayıb."Bloomberg" isə mənbələrə istinadən xəbər vermişdi ki, Türkiyə hakimiyyəti bir neçə ay əvvəl BRİKS-ə üzv olmaq üçün ərizə təqdim edib. Agentliyin məlumatına görə, assosiasiyanın genişləndirilməsi məsələsinə onun Ərdoğanın dəvət olunduğu oktyabrın 22-24-də Kazanda keçiriləcək sammitində baxıla bilər.Rusiya prezidentinin köməkçisi Yuri Uşakov jurnalistlərə bildirib ki, Türkiyə BRİKS-ə qoşulmaq üçün müraciət edib və ona baxılacaq.Türkiyə rəsmiləri “Habertürk”ün xəbərini hələlik təsdiqləməyib. Hakim Ədalət və İnkişaf Partiyasının respublika üzrə rəsmi nümayəndəsi Ömər Çelik Ankaranın BRİKS-ə qoşulmaq üçün müraciət etməsi ilə bağlı xəbərləri şərh edərkən bildirib ki, Ərdoğan Türkiyənin assosiasiyaya qoşulmaq istəyi barədə dəfələrlə danışıb, lakin hələ konkret qərarlar yoxdur.
