Şəbnəmlə Vəfanın YENİ QALMAQALI – Oğurluq ittihamı

Müğənnilər Vəfa Şərifova ilə Şəbnəm Tovuzlu arasında mahnı üstündə yeni qalmaqal başlayıb. Lent.az xəbər verir ki, bu barədə aparıcı Tarix Əliyev (Tolik) sosial şəbəkə hesabında məlumat verib.Bu dəfə mübahisəyə səbəb onların oxuduğu eyni mahnı olub. Bir mahnını iki müğənniyə də ayrı-ayrı müəlliflər satıb."Cənnətim" adlı mahnını ilk dəfə dünən Şəbnəm oxuyub, Vəfa isə mahnını bu gün təqdim edəcəyini bildirib. O, mahnının sözlərinin özünə aid olduğunu vurğuluyub. "Mahnını aldığım adamla yazışmalarım, pulu ödəməyim, çek, hamısı var. Mən elə şey etmərəm", - Vəfa iddialara cavab verib. Qeyd edək ki, Şəbnəm və Vəfa uzun müddətdir küsülüdürlər.