La-Manş boğazında miqrantları daşıyan kiçik gəminin çevrilərək batması nəticəsində ən azı 12 nəfər həlak olub.
Editor.az bildirir ki, bu barədə Reuters xəbər verir. Miqrantlar Kalenin cənub-qərbindəki Le Portel Fransa kommunasından Britaniyaya gedirmişlər.
lakin gəmi səyahət başlayandan az sonra qəzaya uğrayıb. Sahil mühafizəsi əllidən çox sərnişinin xilas edildiyini bildirib. Ən azı daha iki nəfər hələ də itkin sayılır. Sərnişinlərin əksəriyyəti Afrikadan, əsasən də Eritreyadan olub.
//Samir Qurbanov, Editor.az
