ABŞ Ukraynaya uzaqmənzilli raketlər ötürmək istəyir

Birləşmiş Ştatlar Ukraynaya uzunmənzilli Birgə Havadan Yerə Dayanacaq Raketləri tədarükü haqqında saziş imzalamağa yaxındır, lakin Kiyev bir neçə ay gözləməli olacaq. Elchi.az xəbər verir ki, bu barədə “Reuters” mənbələrə istinadən yazır.“Birləşmiş Ştatlar Ukraynaya Rusiya ərazisinə çata biləcək “JASSM” raketləri ilə təmin etmək barədə razılaşmaya yaxındır, lakin Vaşinqton texniki məsələləri həll edənə qədər Kiyev bir neçə ay gözləməli olacaq. Raketlərin silah paketinə daxil edilməsinin bu ilin payızında açıqlanması gözlənilir”, – deyə agentlik qeyd edir.Mənbələrə görə, “JASSM” raketlərinin göndərilməsi Ukrayna Silahlı Qüvvələrinin cəbhədəki mövqeyinə təsir edə bilər.Xatırladaq ki, avqustun 27-də Pentaqonun sözçüsü Patrik Rayder bildirib ki, Birləşmiş Ştatlar Ukrayna hərbi qüvvələrinin Amerika silahları ilə Rusiyanın dərinliklərinə endirdiyi zərbələrə qoyulan məhdudiyyətləri aradan qaldırmağı planlaşdırmır.Havar Şəfiyeva  

• Rusiya
• Abş
• Ukrayna
• Müharibə
• Vaşinqton
• Saziş
• Imzalamaq
• Mənbələr
• Raketlər
• Jassm
• Tekniki Məsələlər
• Havadan Yere