Seçkilər Azərbaycan Konstitusiyasına və onun milli qanunlarına tam uyğun olaraq keçirilib.
Milli.Az xəbər verir ki, bu barədə Azərbaycan Xarici İşlər Nazirliyinin Mətbuat xidməti idarəsinin rəisi Ayxan Hacızadə Avropa ittifaqının seçkilərlə bağlı paylaşamına cavab olaraq "X" sosial media hesabında qeyd edib.
"Avropa İttifaqının xarici siyasət və təhlükəsizlik məsələləri üzrə mətbuat katibi Peter Stanonun belə bir subyektiv iddia və qərəzli siyasi mülahizəsi ATƏT DTİHB-nin Azərbaycandakı seçkilərlə bağlı mənfi münasibətini təkrarlayır və etibarsızdır. Avropa Xarici Fəaliyyət Xidməti rəsmilərini Azərbaycanın daxili işlərinə uğursuz müdaxilə kursunun mənasızlığını dərk etməyə və diqqəti bəzi Avropa İttifaqına üzv dövlətlərin daxili problemlərinə yönəltməyə çağırırıq", - deyə paylaşımda bildirilib.
Qeyd edək ki, sentyabrın 1-də Azərbaycanda növbədənkənar parlament seçkiləri keçirilib. Seçkiləri müşahidə etmək üçün 112 min 749 yerli müşahidəçi qeydə alınıb. Onlardan 65 mindən çoxu siyasi partiyaların nümayəndələridir. Qeydə alınmış beynəlxalq müşahidəçilərin sayı 598 nəfər olub ki, onlar 51 Təşkilatı, 69 ölkəni təmsil edib. Parlament seçkilərində qeydə alınan 990 namizəddən 305-i 25 siyasi partiyanın nümayəndəsidir. 371 nəfər siyasi partiyaların üzvü olmasına baxmayaraq, partiyalar tərəfindən namizəd olaraq irəli sürülməyiblər. Ümumilikdə 676 namizədin siyasi partiya mənsubiyyəti var.
Milli.Az
Xəbərlərimizi WhatsApp kanalımızdan da oxuyun
